সম্পাদকৰ টোকা: আপোনালোকৰ প্ৰত্যেকেই হয়তো মেগী খাই পাইছে| কিন্তু মেগী নুডলছৰ জন্ম কি দৰে হ’ল আপুনি জানে জানো? জানিবলৈ পঢ়ক চূড়ান্ত গাফু শশাংকৰ এই খুহুতীয়া কাহিনী:
মেগীৰ জন্মৰ আঁৰৰ কথা
হিউৱেন চাঙে ভাৰত আক্ৰমণ কৰিব অহাৰ সময়ৰ কথা| পাটকাই পৰ্বতৰ দাঁতিকাষৰীয়া ঠাই এখনত কিং লিঅনাইডিছ নামৰ এজন পৰাক্ৰমী ৰজাই ৰাজত্ব কৰিছিল| ১৮২৬ খ্ৰীষ্টাব্দৰ ২৪ ফেব্ৰুৱাৰীত হিউৱেন চাঙে তেওঁৰ সৈন্য-সামন্ত লৈ হাদিৰাচকীত উপস্থিত হয়|
জ্যোতিষাচাৰ্য্য কিৰো ইয়ংৰ হতুৱাই ভাল দিন এটা চাই দুয়ো পক্ষই তয়া-ময়া ৰণ কৰে| কিৰো ইয়ঙে উচিত মূল্যত দিয়া খাটি ৰত্ন পিন্ধাৰ ফলত যুদ্ধত হিউৱেন চাঙৰ জয় হয়| আনহাতে হিউৱেনৰ সেনাপতি আলেকজেণ্ডাৰে কিং লিয়নাইডাছক বন্দী কৰি ৰাজসভালৈ লৈ আহে|
হিউৱেন চাঙ: সেনাপতি, এইয়া কি কৰিলা? তুমি ৰানী লক্ষ্মীবাঈক বন্দী কিয় কৰিলা? নাৰীক সন্মান কৰিবলৈ নিশিকিলা|
আলেকজেণ্ডাৰ: মহাৰাজ, এইজন কিং লিয়নাইডাছ| স্পাৰ্টাৰ ৰজা|
হিউৱেন চাঙ: ইমান দীঘল কাৰ্লি চুলি থকা এইজন ৰজা নে তেওঁৰ দুহিতা?
আলেকজেণ্ডাৰ: মহাৰাজ, এইয়া ক্লিনিক প্লাছ শ্বেম্পুৰ হে কামাল|
হিউৱেন চাঙ: এজন পুৰুষে যদি ইমান সুন্দৰ চিল্কি চুলি ৰাখিব পাৰে আমাৰ ৰান্ধনি থমাছ কুকে কিয় সুস্বাদু আহাৰ তৈয়াৰ কৰিব নোৱাৰে?
থমাছ কুক: মহাৰাজ মাৰকেই বা কাটকেই| মই দুই মিনিটত ‘কাৰ্লি ফুড আইটেম’ এটা তৈয়াৰ কৰিছোঁ| নামটো মেগি ৰাখিছোঁ| খাই চাওকচোন|
হিউৱেন চাঙ: ৱাহ! মগেম্ব খুছ হুৱা| আজিৰে পৰা সমগ্ৰ ভাৰততে মেগীৰ প্ৰচলন হ’ব লাগে...
~ মেধি
No comments:
Post a Comment
Liked it? Please share with your friends.