কেনেকুৱা ৰুটি খাবা?

 নৱস্মিতা:শুনা না, ৰুটি বনাব লৈছোঁ। 

মাধুৰ্য: বনোৱা না। 

নৱস্মিতা:তুমি খাবা নে নোখোৱা?

মাধুৰ্য: খাম আক’...

নৱস্মিতা:কেনেকুৱা ৰুটি খাবা কৈ দিয়া এতিয়াই- চাৰ্কুল, নে ৰেক্টেংগুল নে ট্ৰায়েংগুল?

মাধুৰ্য:হমমম.... পলিগ’ন বনাব নোৱাৰিবা নেকি?

নৱস্মিতা: এ নোৱাৰিম আজি, কম্পাছ আৰু প্ৰট্ৰেক্টৰডাল বিচাৰিয়েই পোৱা নাই। 

মাধুৰ্য: ঠিক আছে।  খালী ষ্ট্ৰেইট লাইন ৰুটি নবনাবা... দীঘলে দীঘলে খাবলে দিগদাৰ না.... 🤐😁😄

[অসমীয়া কৌতুক, Assamese jokes, new jokes, funny jokes 2023, fresh jokes, internet jokes, Facebook jokes]

হে প্ৰভু

 মনাই: হে প্ৰভু, অহাটো জনমত মোক জেঠীৰ ৰূপত জন্ম দিবা

ঈশ্বৰ: কি? কিন্তু কিয়?

মনাই: আমাৰ এওঁ জেঠীৰ বাদে একোকে ভয় নকৰে

_______________________

Short jokes, funny jokes, indian jokes, assamese jokes

Laughter is the best medicine to improve your immune system.

তুমি নাপান্দিবা কিন্তু... (অসমীয়া কৌতুক)

 ৰিয়ান বোলা যুৱকজনে কথা কওঁতে "ক" টো নুফুটে| ক টোক "প" বুলিহে উচ্চাৰণ কৰে!

কলেজত পঢ়ি থাকোঁতে এদিন নাহৰকটীয়াৰ পৰা তিনিচুকীয়ালৈ ৰিয়ান ডেটিং মাৰিবলৈ গ’ল

কিন্তু বাটতে লাগিল নহয় কাজিয়া, কিবা সৰু কথাতে, ৰিয়ানৰ প্ৰেমিকাই ফেঁকুৰি ফেঁকুৰি কান্দিবলৈ ধৰিলে।

ৰিয়ান বেচেৰাই দুখ মনেৰে বুজাবলৈ ধৰিলে: "নাপান্দিবা জান, তুমি পান্দিলে পিন্তু ময়ো পান্দি দিম।"

_______________________________________________

Latest Assamese jokes, Blog jokes, Jokes 2022, funny jokes. 

কবিতাটো ক'লৈ গ'ল?

 স্বামী : হেৰা, কালি মই লিখা কবিতাটো ক'লৈ গ'ল ?

পত্নী : মই কেনেকৈ জানো!

স্বামী : মাইনাই ফালি পেলালে নেকি ?
পত্নী : সি পঢ়িব নজনা ল'ৰাটোৱে কিয় আপোনাৰ কবিতা ফালিব?

_______________________________________

লটাৰী- একলাখ টকা

থুলুকে লটাৰীত ১ লাখ টকা জিকি খুচ | লটাৰীৰ দোকানলৈ গৈ টকাখিনি ডিমাণ্ড কৰিলে |

দোকানী:- দাদা, এতিয়া আপোনাক ২০,০০০ টকা হে দিব পাৰিম, বাকী খিনি টকা আহিবলৈ এসপ্তাহমান লাগিব |

থুলুক:- ম‍ই সেই চব নাজানোঁ, মোক টকা এতিয়াই লাগে | দিলে পূৰা একলাখ টকা দে, নহ’লে লটাৰী টিকেটৰ দাম- পঞ্চাশ টকাটো উভোতাই দে |

______________________________

Assamese Blog, Gajari Dot Com

গণেশৰ খং

 গনেশ =: (পাৰ্বতীক ঊদ্দেশ্যি ) মা .... মা .... দেউতা কত আছে ? 

পাৰ্বতী : নাজানো ... বাথৰুম .. গৈছে চাগৈ ...!
গনেশ : (খঙত) সদায় সদায় কিমান কৈ থাকিব লাগে ? ভাঙ খাই খাই পাহৰি থাকে ! 
কিমান বাৰ কলো .... কাঁটা চামুচ এখন লাগে লাগে বুলি.. !  আনি নিদিলে.. আৰু 
মই সদায় সদায় এইডালেৰে নুডলছ খাব লাগে..... (ত্ৰিশূল ডাল টান মাৰি ....) !

__________________________

Assamese jokes, Facebook jokes

এটিএম পিন

 

থুলুকৰ বিৰাট খং উঠি আছে। বেংকৰ ওপৰত। কাইলৈ একাউণ্ট বন্ধ কৰি জমা টকা সকলোখিনি উলিয়াই পেলাব বোলে। হয়ো দিয়কচোন, প্ৰয়োজনৰ সময়ত নিজৰ টকাকেইটাকে উলিয়াব নোৱাৰিলে বেংকত জমা থোৱাৰ কি যুক্তি আছে।
সন্ধিয়া থুলুকক ২০০.০০ টকা এটা লাগিছিল, গেলামালৰ দোকানত দিবলৈ আছিল। 
বজাৰৰ চুকত থকা বেংকৰ এটিএমটোত পইচা উলিয়াওঁ বুলি সোমাল। কাৰ্ডখন নিৰ্দিষ্ট জেগাত সুমুৱাই দিয়াৰ পছত পিন নাম্বাৰ খুজিলে। সি দিছে। শুদ্ধকৈ দিয়াৰ পাছতো ভুল বুলি কয়। তিনি নে চাৰি বাৰ পিন নাম্বাৰটো ভৰালে- 781004 

শেষত গৈ তাৰ এটিএম কাৰ্ডখনেই ব্লক হৈ থাকিল।

___________________________

Facebook Assamese Jokes, Google jokes, Internet jokes

দুৰ্গা পূজা- অসমীয়া কৌতুক

 হীৰক: মা মা, ম‍ই দুৰ্গা পূজা চাবলৈ যাওঁ নে?

মাক: যা, দেৰি নকৰিবি ৰাতি

.

৩ ঘন্টা পিছত...

.

ঘৰৰ বাহিৰত হাল্লা!

মাকে ওলাই গৈ দেখে বাগানৰ পৰা ধেৰ মানুহ আহিছে জুম বান্ধি, হীৰকক গাধ এটাৰ ওপৰত উঠাই আনিছে

মাক: কি হ’ল ঔ?

বাগান ১: এইটো তোৰ ল’ৰা নেকি?

বাগান ২: মহা চয়তান আছে তোৰ ল’ৰাটো মাই...

বাগান ৩: হ’ ৰে... লুকাই কিনে আমাৰ ঘৰৰ ভিতৰত মোৰ ছোৱালী দুটা দুৰ্গা আৰু পূজাক চাই আছিল হি... আন্ধাৰতে দেখি ভূত বুলি ভয় খাই গ’লো

মাক: কিছন! কি হ’ব এতিয়া?

বাগান ৩: কি আৰো হ’ব... তোৰ ল’ৰাটো আজিৰ পৰা আমাৰ জঁৱাই হ’ল...

________________________________________________________________________

Google Assamese Jokes, Facebook Jokes

অসমীয়া কৌতুক: নাকৰ বিষ

ঘটনাটো শুনিলে হাঁহি হাঁহি পগলা হৈ যাব, সেয়ে খুঁটা এটাত ধৰি লওক- 

ডাঃ বিনুজনীঃ হেৰা। শুনিছানে? মোৰ নাকটো বৰ বিষাইছে।

ডাঃ বিনুজঃ অস হ'। ভিতৰত বিষাইছে নে বাহিৰত?

ডাঃ বিনুজনীঃ এক মিনিট, মই কৈ আছোঁ।

তেওঁ ঘৰৰ বাহিৰলৈ ওলাই চোতালত এক মিনিট থিয় হৈ চালে।

উভতি আহি বিনুজক ক'লেঃ ঘৰৰ ভিতৰত থাকোঁতেও বিষাইছে, বাহিৰলৈ যাওঁতেও বিষাইছে। আচৰিত বুইছা নে?

- অসমীয়া কৌতুক ২০২২, গাজাৰী ডট কম

স্মাৰ্ট ডগী - Assamese Jokes

 নয়নজিতে কুকুৰ এটা কিনি আনিলে।

তাক দুদিনমান ভালকৈ ট্ৰেইনিং দিলে।

তা পা অনিতাক মাতি আনি ক'লে, চাবা হাঁ‌ আমাৰ কুকুৰটো কিমান স্মাৰ্ট!

নয়নজিতঃ- ঐ টমী, ক'চোন, দাদা বেছি ভাল নে বৌ?

টমীঃ- বৌ বৌ বৌ ও ও ও বৌ।

অনিতাঃ- আয়ু মোৰ সোণামুৱা ডগীটো, কি খাবি ক'।

- Gajari Dot Com group, Facebook. Join us.

গাজাৰী ডট কমৰ সপ্তম জন্মবাৰ্ষিকী উদযাপন

Celebrating 7th anniversary #GajariDotCom

Jorhat, Guwahati. Gajari Dot Com completes 7 glorious years of spreading smiles & happiness.

অলপ বেছি হ’ল নেকি?

Funny Jokes

ৰিন্টুদাৰ বঢ়াই বঢ়াই কোৱা স্বভাৱৰ কথা নো কোনে নাজানে?

দোকানত থিয় হৈ 200 এম.এল. ক’ল্ড ড্ৰিংক খাই আহি ঘৰত ক’বহি- "এই মাত্ৰ 2 লি. থামছ আপ খাই দিলোঁ বুজিছা?"

যোৰহাটৰ গাজাৰী মীট’ৰ পৰা আহি ইন্টাৰেষ্টিং কথা কিছুমান মাধুৰ্য‍ই আমাক ক’লে। 

যদি কোনোবাই কয়- "ম‍ই ক্লাছ টেনত প্ৰথম ভালুক খাইছিলোঁ"; ৰিন্টুদাই কয়- "সেইটো নো কি ডাঙৰ কথা? ম‍ই ক্লাছ চিক্সতে খাইছিলোঁ"

যদি জিতদাই কয়-  "ম‍ই বৰশীত ডেৰ কিলো গৰৈ মাছ এটা ধৰি পাইছোঁ" ; তেতিয়া ৰিন্টুৱে কয়: "তাত আচৰিত হ’বলগীয়া কি আছে? ম‍ই বৰশীৰে 3-4 কেজিৰ মাছ ধৰিয়েই থাকোঁ। "

এপাকত মাধুৱে ক’লে: "মোৰ চাৰে পাঁচ বছৰ হওঁতেই ম‍ই দেউতাৰ চাইকেলখন হাফ পেডেল মাৰি চলাবলৈ লৈছিলোঁ। "

ৰিন্টু: "সেইটো নো কি ডাঙৰ কথা হে? মোৰ চাৰে পাঁচ বছৰ হওঁতেই মোৰ চাৰে ছয় বছৰ হৈছিল| আৰু বাইক চলাওঁতে মোৰ বয়স 7 হৈছিল।  তাকো ৰাজদূত চলাইছিলোঁ 6 নম্বৰ গীয়েৰত...."

___________________________________________

Latest jokes,

Funny Jokes,

Facebook Assamese jokes

আশাকৰোঁ তোমালোক ফিটিং হৈ আছা (Assamese Joke Series)

॥ আশাকৰোঁ তোমালোক ফিটিং হৈ আছা॥

মৰমৰ অকণ অকণিহঁত

তোমালোকে নোৱা (Noah) ৰ সাধুটি শুনিছানে? সেইযে পৃথিৱীত প্ৰলয় আহিল, আৰু ভগৱানে নোৱাক এখন নাও সাজিবলে হুকুম দিলে। সেই নাৱত নোৱাই সকলো প্ৰাণী আৰু গছৰ গুটি লৈ ৪০ দিন উটি ভাঁহি ফুৰিলে, তাৰ পাছত পানী শুকুৱাত সেইবোৰেৰে সৃষ্টিখন ৰক্ষা কৰিলে।
নিশ্চয় শুনিছা। কিন্তু তোমালোকে জানিবলে পালে সুখী হবা যে, এজন গাজাৰীৰ বাবেই পৃথিৱীখন তেনে এটা ধ্বংসৰ মুখৰ পৰা বাছিল, মাত্ৰ কেইদিন মান আগতে।

পৃথিৱীত পাপ বেছি হৈ, তেনেই ধপাত হোৱাৰ গতি দেখি ভগৱানে আকৌ এবাৰ এনেদৰে পৃথিৱীখন ধ্বংস কৰিবলে মন মেলিলে, মানে প্ৰলয় আনিব খুজিলে, যত পাপীবোৰ পানীত ডুবি মৰিব আৰু এজন ভাল মানুহে সকলো বস্তুৰে সঁচ ৰাখি থব। পিছে নোৱা তো কেতিয়াবাই মৰি ভূত হ’ল, হাড়ত বন গজিল, গতিকে তেও বহুত ভাৱি গুনি আমাৰ মাজৰে গাজাৰী চিৰিমান চিখৰক সেই কামটো দিবলে সিদ্ধান্ত কৰিলে।

সেইমতেই এদিন ভগৱানে চিখৰক সোঁশৰীৰে লগ কৰি আদেশ কৰিলে, - "বোপাই, তই নাও এখন সাজ যেনেতেনে, আৰু প্ৰাণীবোৰো গোটা, - ছমাহ সময় দিলো তোক।"
পিছে চিখৰে সেই সময়ত গাজাৰীৰ জুক পঢ়ি হাঁহি আছিল বাবে কথাটো তাৰ বৰ ভালকে কাণত নোসোমাল, আৰু কেইদিন মানৰ পাছত পাহৰি থাকিল।
তিনিমাহ পাৰ হ’ল, ভগৱানে ফোন কৰি খবৰ ল’লে- কাম কিমান আগবাঢ়িছে। তেতিয়াহে চিখৰৰ মনত পৰিল, আৰু ক'লে
- "এইকেইদিন মানে বিৰাটেই বিজি বুইছে, কামৰ পৰা মুৰ ডাঙিবই পৰা নাই। চিন্তা নকৰিব- মই গাত ল’লো যেতিয়া কাম হৈ যাব।"
চাৰিমাহ- ‘অ’ চাৰ, কাঠ পাবলে নাই নহয় ইয়াত আজিকালি। আৰু যিকিখন বি ক্লাছ তক্তা পাইছো, কেবি ৭০০ টকাকে লাগে। তথাপিও চিন্তা নকৰিব, মই চেনেল এটা লগাইছো, মানুহ এটাই দুই নম্বৰী কাঠ দিম বুলি কৈছে, ৫০০ টকা মানকেই পাই যাম।‘
চাৰে চাৰি মাহ:- ‘বৰ ডাঙৰ কথা হ’ল নহয় চাৰ, গোটেই কাঠ খিনি ফৰেষ্টে ধৰিলে, এতিয়া কি কৰো মই ভাবিৱেই পোৱা নাই। ‘
পাঁচ মাহ:- ‘চিখৰৰ ফোন দুসপ্তাহ ধৰি চুইচ অফ।‘
পাঁচ মাহ ২০ দিন:- ‘নকব আৰু চাৰ, আগৰ ফোনটো মোৰ হেৰালে নহয়, আপোনাৰ নম্বৰটোও পাহৰিলো, আপুনি ফোন কৰি বৰ ভাল কৰিলে। হেৰি নহয়, কামটোটো ডাঙৰ, বহুত খৰছা পৰিব- অলপ এডভান্স কিবা দিব পৰা যাব নেকি? আপুনি চিন্তা নকৰিব, নাও হৈ যাব টাইমত।‘
পাঁচ মাহ ২২ দিন:- ‘ভাল খবৰ চাৰ, একদম সস্তাত কাঠ পাইছো, ভাল কাঠ। লোডিং হৈ আছে ট্ৰাকত। মোৰ মিস্ত্ৰী ৰেডী, কাঠ আহি পালেই ধাম ধুম কাম লাগি যাম। ইফালে আপোনাৰ কথা মতে মনিপুৰীয়া গৰু এহালো কিনিলো, এতিয়া বাকী জীৱজন্তু কেইটা গোটালেই হৈ গ’ল।‘
পাঁচ মাহ ২৮ দিন:- ‘চাৰ বৰ ডাঙৰ ঘটনা হ’ল নহয়। ট্ৰাকখন এক্সিডেণ্ট হ’ল, এতিয়া কাঠখিনি পুলিচে ধৰি থৈছে। মই গৈ আছো, কেনেবাকে মেনেজ কৰি উলিয়াই আনিম।আপুনি চিন্তা নকৰিব‘
ছমাহ পুৰা হোৱাৰ দিনা আগৰ প্ৰগ্ৰেম মতেই, আকাশ ডাৱৰীয়া হৈ আহিল, কলহৰ কাণে বৰষিবলে লাগিল। ভগৱানে কিবা অলপ সন্দেহ কৰি এইবাৰ নিজেই আহিল।
চিখৰ ফস্তি মাৰি শুই আছে।

- ‘কি হ’ল? নাও ক’ত- আৰু জীৱ জন্তু? গছ-গছনি? হোৱাট ইজ দিছ?’
- ‘চাৰ, কি কম আৰু আপোনাক, কালিৰ পৰাই মানুহজনীৰ গাটো বেয়া, গোটেই ঘৰৰ কাম কাজ কৰিব লগা হৈছে, একদম সময়েই পোৱা নাই।‘

ভগৱানে কিবা অলপ চিন্তা কৰিলে, আৰু অলপ পাছতে আকাশ মুকলি হৈ আহিল, বৰষুণো এৰিলে।
চিখৰে সুধিলে- কি হ’ল চাৰ, প্ৰলয় কেনচেল নেকি?
- অ’ কেনচেল, প্ৰলয়েৰে পৃথিৱীৰ পাপৰ বোজা কমোৱা আইডিয়াটোৱেই কেনচেল। তঁহতবোৰ জীয়াই থাকিও মৰা, তহতক মাৰি কি লাভ?
এইদৰেই চিখৰৰ বুদ্ধিমত্তাৰ বাবে পৃথিৱী ধ্বংসৰ পৰা বাছি গ’ল।

মৰমেৰে তোমালোকৰ
হৃত্ত্বিক ৰৌছন খুড়া

~ Abhijit Kalita

আশাকৰো তোমালোক ফিটিং হৈ আছা (Assamese jokes series)

মৰমৰ মইনাহঁত,
আজি মই তোমালোকক যিজন গাজাৰীৰ বিষয়ে কবলৈ ওলাইছো,তেওৰ কথা শুনাৰ পাছত তোমালোকৰ মন গৌৰৱত ফুলি উঠিব।
বাল্মিকীয়ে ৰামায়ণ লিখাৰ বহুদিনৰ আগৰ কথা, আচলতে তেতিয়া বাল্মিকীয়ে অ আ ক খ শিকিয়েই আছিল। সেই সময়তে বাল্মিকীৰ জ্যেষ্ঠ ভাতৃ লাল-মিকীয়ে ('লাল' টো কেপিটেল লেটাৰত) পৃথিৱীৰ প্ৰথমখন 'ভিতৰপকীয়া' মহাকাব্য "কামায়ন" লিখি উলিয়াইছিল। মহান পণ্ডিত লাল্মিকীয়ে এই খন গ্ৰন্থ বিক্ৰী কৰি অপাৰ ধন সম্পত্তি আৰ্জন কৰিছিল, কিন্তু পিছত তেও নিজৰ ভুল উপলব্ধি কৰে আৰু তাৰ প্ৰায়শ্চিত্ত কৰিবলৈ কঠোৰ সাধনাত মগ্ন হয়। জনশ্ৰুতি মতে তেওৰ সাধনা ইমানেই কঠোৰ আছিল যে, তেওৰ গাত চাল-ওকনি, চিকৰা আদিয়ে বাঁহ বান্ধিছিল। হাজাৰ বছৰ জোৰা সাধনাৰ পাছত তেও দিব্যজ্ঞান লাভ কৰে আৰু তেতিয়াৰ পৰাই তেও আগৰ বেয়া স্বভাৱ বিলাক এৰি এজন বিশ্বত্ৰাস ডকাইত হিচাপে জীৱন নিৰ্বাহ কৰিবলৈ লয়। তাৰ পছৰ পৰা তেও ৰাইজৰ মাজত ' হতচিৰি হতচিৰি দানৱাদিদানৱ দৈত্যবন্ধু ডাকু ৰিণ্টুকৰ সিং টোমাৰ বামানয়শাস্ত্ৰী' নামে পৰিচিত হয়। পিছত এল পি স্কুলৰ হে'ডচাৰে নামটো দীঘল হোৱাযেন দেখি তাক ছুটি কৰি শ্ৰী ৰিণ্টুমণি দত্ত কৰি দিয়ে।

মইনাহঁত, আজিলৈ এৰো, কাইলৈ তোমালোকে বিশ্বৰ সকলোতকৈ বিখ্যাত ভৱিষ্যতবাণী কৰোঁতা গাজাৰীজনৰ বিষয়ে পঢ়িবলৈ পাবা।

মৰমেৰে
তোমালোকৰ
হৃত্বিক ৰৌছন খুড়া।


~ Abhijit kalita

ধৰমপত্নী: অসমীয়া কৌতুক

দুটা কাম কৰাটো অতি কঠিন: -

ক/ নিজৰ মতে আনক চলোৱাটো; নিজৰ আইডিয়া, চিন্তা-ধাৰণা আদি আনৰ মগজুত প্ৰোথিত কৰিব পৰাটো|
খ/ আনে কষ্ট কৰি উপাৰ্জন কৰা ধন নিজৰ পকেটলৈ আনিব পৰাটো|

* এক নং কামটো যি কৰিব পাৰে তেওক শিক্ষক বুলি কোৱা হয়|
* দুই নং কামটো যি কৰিব পাৰে তেওক ব্যৱসায়ী বুলি কোৱা হয়|
** দুয়োটা কাম একেলগে কৰিব পৰাগৰাকীক "ধৰমপত্নী" বুলি কোৱা হয়|

by Changmai

দত্ত আৰু সোণৰ ফোন

খৰিকটীয়াৰ কাহিনীটো মনত আছে নে?
নদীৰ পাৰত কুঠাৰেৰে ঘৈয়াই থাকোঁতে যে কুঠাৰখন চিলিপ হৈ কিনে পৰি গৈছিল পানীৰ মাজত? তাৰ পিছত জলদেৱী প্ৰকট হৈ প্ৰথমতে সোণৰ, ৰূপৰ কুঠাৰ দিওঁতেও যে খৰিকটীয়াই মানা কৰি দি নিজৰ কুঠাৰখন হে খুজিছিল? আৰু তাকে দেখি কিনে খুচ হৈ কিনে জলদেৱীয়ে গোটেই তিনিটা কুঠাৰেই তেওঁক দি দিছিল?

দত্তৰো মনত আছে কাহিনীটো...

হ’ল কথাটো এনেকুৱা...
এদিন গোলাঘাটৰ পৰা বাদাম কিনিবলৈ দত্ত গুহেটীলৈ আহিছিল| বাদাম কিনি লোভতে অলপ বেছিকৈ গলিয়াই দিলে চাগে| লাগিল নহয়| মানে ২ নম্বৰটো... |

বিচাৰি বিচাৰি এখন সুলভ শৌচালয় পালেগৈ|
দৌৰ মাৰি ভিতৰত বহি আমেজ লৈ থাকোঁতেই আহিল নহয় কাৰোবাৰ ফোন... ফোনটো ৰিচিভ কৰিবলৈ লওঁতেই চিলিপ হৈ কিনে ফোন চিধা একেবাৰে মেইন জেগাতে পৰিল|

মাত্ৰ ৪ দিনৰ আগতে ১২, ০০০ টকা দি কিনা ফোন... বৰ হেঁপাহত কিনিছিল দত্ত‍ই ফোনটো, অসমীয়া লিখিবও পাৰি ফোনটোৰ, গেম খেলিবও পাৰি, দুখন দিম ভৰাবও পাই, ৱা’টছ এপো আছে, ধেৰ কনটেক্ট নাম্বাৰো আছে...
তাকে ভাবি ভাবি দুখতে দত্তৰ সেইভাগেই চকুপানী ওলাবলৈ ধৰিলে| চকুপানী কি, কান্দোনেই ওলাই আহিল....

দত্তৰ দুখ সহিব নোৱাৰি টয়লেট-দেৱী প্ৰকট হ’ল নহয়... আহি তেওঁ দত্তক ফোন এটা আগবঢ়াই দিলে...
- "হোঁ ল’, নাকান্দিবি অ’ আপা"
ফোনটোলৈ চাই দত্ত‍ই ক’লে-  "মোক সোণৰ ফোন নালাগে দেৱী, মোক মোৰ আচল ফোনটোকেই উভোতাই দিয়ক না পিলিজ"

দেৱীয়ে ভেকাহি মাৰি ক’লে- "ধুৰ, এইটো তোৰেই ফোন হয়| সোণৰ নহয়| ভালকৈ ধুই ল’লে দেখিবি, সোণালী ৰংটো আঁতৰি গৈছে|"

দত্ত- "হি হি হি, থেংকিউ দেই"

By Changmai

ৰেলত মালি

মালি মাজতে ঘৰৰ ফালে গৈছিল ৷ আচলতে দেবুৰ ঘৰত তাক প্ৰায়ে উপদেশ দি থকা হয় বিয়াখন সোনকালে পাতিব লাগে বুলি ৷ গতিকে বিয়া ঠিক কৰিবলৈ বুলি এদিন নিশা মালি ৰেলত উঠিলে ৷

ৰেলৰ ভিতৰৰ দৃশ্য -

যুৱতী : মই ইয়াত বহিব পাৰো নে ?

মালি : আৰে !! কিয় নোৱাৰিবা ? তোমাৰ ছিট বুলিয়ে ধৰি লোৱা ৷

যুৱতী : পানী অকনমান খাওঁ নে ?

মালি : আৰে সেইটো সুধিব লাগে নেকি কিবা ?? নিজৰ বুলি নাভাবা ন তুমি ?

ঝক ঝক ৰেল গৈ আছে ........
যুৱতী : দাদা কোনটো ষ্টেচন পালো বাৰু ?

মালি : আৰে মোৰ মাথাত GPS লগাই থোৱা নাই নহয় যে মাজ নিশা কি ষ্টেচন পালো কৈ দিব পাৰিম ৷ চাওঁ উঠা ছিটৰ পৰা ৷ মোৰ টোপনি ধৰিছে ৷

*মালি> মালিংগা> চেংমাই

by Pratibhu Dutta