দীপা আৰু ফায়াৰ ব্ৰিগেড

- হেল্লো হেল্লো
- হেল্লো, হেল্লো
দীপা: অঁ হেল্লো... শুনা পাইছে নে?
x: অ পাইছোঁ
দীপা: জুই লাগিছে
x: ক’ত লাগিছে?
দীপা: ইয়াতে...
x: ঠিকনাটো কওক
দীপা: লাজপত নগৰ ডাবোল ষ্টৰীৰ পিছফালে থকা জে ব্লকত
x: আমি এতিয়াই আহি আছোঁ
দীপা: আৰে ৰ’ব না....
x: কি নো হ’ল? জলদি কওক...
দীপা: মানে ম‍ই এখন সৰুকে বাগিছা কৰিছোঁ...
x: তো?
দীপা: তাত গোলাপ, তগৰ, চিজন ফ্লাৱাৰ এইবোৰ ৰুইছোঁ... ফুলিছেও...
x: হাৰে... জুই লাগিছে আৰু আপুনি এইবোৰ কি বকি আছে?
দীপা: ........ মানে জুই আমাৰ ঘৰত লগা নাই নহয়... ওচৰত হে লাগিছে... কিন্তু আপোনালোক এইফালে যাওঁতে প্লিজ গাৰ্ডেনত অলপ পানী দি থৈ যাব হাঁ!!!!!!!!!!!!!!!!!!
By Changmai

দত্ত আৰু সোণৰ ফোন

খৰিকটীয়াৰ কাহিনীটো মনত আছে নে?
নদীৰ পাৰত কুঠাৰেৰে ঘৈয়াই থাকোঁতে যে কুঠাৰখন চিলিপ হৈ কিনে পৰি গৈছিল পানীৰ মাজত? তাৰ পিছত জলদেৱী প্ৰকট হৈ প্ৰথমতে সোণৰ, ৰূপৰ কুঠাৰ দিওঁতেও যে খৰিকটীয়াই মানা কৰি দি নিজৰ কুঠাৰখন হে খুজিছিল? আৰু তাকে দেখি কিনে খুচ হৈ কিনে জলদেৱীয়ে গোটেই তিনিটা কুঠাৰেই তেওঁক দি দিছিল?

দত্তৰো মনত আছে কাহিনীটো...

হ’ল কথাটো এনেকুৱা...
এদিন গোলাঘাটৰ পৰা বাদাম কিনিবলৈ দত্ত গুহেটীলৈ আহিছিল| বাদাম কিনি লোভতে অলপ বেছিকৈ গলিয়াই দিলে চাগে| লাগিল নহয়| মানে ২ নম্বৰটো... |

বিচাৰি বিচাৰি এখন সুলভ শৌচালয় পালেগৈ|
দৌৰ মাৰি ভিতৰত বহি আমেজ লৈ থাকোঁতেই আহিল নহয় কাৰোবাৰ ফোন... ফোনটো ৰিচিভ কৰিবলৈ লওঁতেই চিলিপ হৈ কিনে ফোন চিধা একেবাৰে মেইন জেগাতে পৰিল|

মাত্ৰ ৪ দিনৰ আগতে ১২, ০০০ টকা দি কিনা ফোন... বৰ হেঁপাহত কিনিছিল দত্ত‍ই ফোনটো, অসমীয়া লিখিবও পাৰি ফোনটোৰ, গেম খেলিবও পাৰি, দুখন দিম ভৰাবও পাই, ৱা’টছ এপো আছে, ধেৰ কনটেক্ট নাম্বাৰো আছে...
তাকে ভাবি ভাবি দুখতে দত্তৰ সেইভাগেই চকুপানী ওলাবলৈ ধৰিলে| চকুপানী কি, কান্দোনেই ওলাই আহিল....

দত্তৰ দুখ সহিব নোৱাৰি টয়লেট-দেৱী প্ৰকট হ’ল নহয়... আহি তেওঁ দত্তক ফোন এটা আগবঢ়াই দিলে...
- "হোঁ ল’, নাকান্দিবি অ’ আপা"
ফোনটোলৈ চাই দত্ত‍ই ক’লে-  "মোক সোণৰ ফোন নালাগে দেৱী, মোক মোৰ আচল ফোনটোকেই উভোতাই দিয়ক না পিলিজ"

দেৱীয়ে ভেকাহি মাৰি ক’লে- "ধুৰ, এইটো তোৰেই ফোন হয়| সোণৰ নহয়| ভালকৈ ধুই ল’লে দেখিবি, সোণালী ৰংটো আঁতৰি গৈছে|"

দত্ত- "হি হি হি, থেংকিউ দেই"

By Changmai

Debu Da at a Saloon

দেওবাৰে চেলুনলৈ গৈ ইমপোৰ্টেড শ্বেভিং ক্ৰীম লগোৱাই দাঢ়ি খুৰোৱাটো দেবুদাৰ পুৰণি চখ|

যোৱা দেওবাৰে গোলাঘাটত আছিল, তাতেই এখন ভাল চেলুন চাই বহিল| চেলুনখন এ.চি., দাড়ি কাটিবলৈকে লয় ১২০ টকা; একেবাৰতে ৬-৭ জন কাষ্টমাৰে চুলি-দাঢ়ি কটোৱায়
| 
নাপিতে ক্ৰীম লগাইছে হে মুখত, আহিল ফোন| নাপিতে আনি ফোনটো লাউড-স্পীকাৰত দি দেবুদাক দিলে-
দেবুদা: হেল্লো
সিফালৰ পৰা মহিলাৰ মাত: শুনিছা নে? আমি মানিকচন্দ জুয়েলাৰ্চলৈ আহিছোঁ
দেবুদা: হুমম
মহিলা: তোমাৰ ক্ৰেডিট কাৰ্ডখন লৈ আহিছোঁ
দেবুদা: অ.কে.
মহিলা: মোৰ আৰু চুমকিৰ নেকলেছ এডাল ইম্মান পচন্দ হৈছে নহয়, দুডাল কিনি পেলাওঁ বুলি ভাবিছোঁ
দেবুদা: অ.কে.
মহিলা: হাউ কিউট! তোমাৰ ক্ৰেডিট কাৰ্ডখন ইউজ কৰাৰ কাৰণে বেয়া নাপাবা কিন্তু...
দেবুদা: হুম, অ.কে.

ফোনটো থোৱাৰ পিছত নাপিত: বাহ চাৰ, আপুনি চাগে বৌ হঁতক খুব ভাল পায় ন’? যি খোজে একেবাৰতে দি দিয়ে যে?
দেবুদা: সেইবোৰ বাৰু ঠিকেই আছে, কিন্তু আগতে কোৱাচোন, মোবাইলটো আচলতে কাৰ?

By Changmai

Time

ৰেলৰ ষ্টে'চনত এজন বৃদ্ধই ৰেল অহালৈ বুলি বাট চাই আছে । তেনেতে এজন ডেকা ল’ৰাই আহি তেওঁক সুধিলে, “খুড়া, সময় কিমান হ’ল ?”

বৃদ্ধ – মই নাজানোঁ ।

ল’ৰা – কিন্তু, আপোনাৰ হাতত দেখোল ঘড়ী আছে । অনুগ্ৰহ কৰিছোঁ সময়টো কিমান হল জনাওকচোন ?

বৃদ্ধ – মই নকওঁ..

লৰা – কিন্তু কিয় ?

বৃদ্ধ – কাৰণ, যদি মই তোমাক সময় কিমান হ’ল জনাই দিওঁ তেন্তে তুমি মোক ধন্যবাদ বুলি ক’বা আৰু নিজৰ নামটো ক’বা, তাৰপাছত মোৰ নাম-কাম আদিবোৰ সুধিব ধৰিবা । তাৰপাছত আমি এনেকৈ কথা-বতৰা পতা আৰম্ভ কৰি দিম, দুয়ো-দুয়োকে চিনা-জনা হৈ যাম । আৰু সম্ভৱ ৰেলখন অহালৈকে মোৰ কাষতে বহি থাকিবা, হয়তো এইটোও হ’ব পাৰে যে ৰেলখনত মই বহা কাষৰ চিটটোত তুমিও বহি ল’বা । আৰু তাৰপাছত তুমি সেইটো ষ্টে’চনতেই নামিবা য’ত মই নামিবলগীয়া আছিল । তাত মোৰ ছোৱালী গৌৰী (যিজনি দেখিবলৈ বৰ ধুনীয়া) ৰৈ থাকিব মোক নিবলৈ । তুমি মোৰ লগত থাকিবা যেতিয়া তাইকতো নিশ্চয় দেখিবা, তায়ো তোমাক দেখিব আৰু হয়তো চাৰিচকুৰ মিলন হৈ দুয়োটাই প্ৰেমত পৰিবা আৰু এদিন বিয়া কৰাৱলৈ মোৰ ঘৰলৈ আহিবা । সেইবাবেই বোপাই ক্ষমা কৰিবা, মই এনেকুৱা এজন ভিক্ষাৰীলৈ মোৰ ছোৱালী বিয়া দিব নোৱাৰো যিজনৰ হাতত সময় চাবলৈ সাধাৰণ ঘড়ী এটাও নাই ।

By Deep Jyoti Nath

Assamese joke

এদিন চেংমাইৰ পেটত খুব যন্ত্ৰনা হোৱাত ডক্টৰৰ ওচৰলৈ গ’ল...
চেংমাই – ছাৰ, মোৰ পেটত খুব গেছ হৈছে, কিন্তু কোনো গোন্ধ নাই আৰু শব্দও নাই...
ডক্টৰ- এই ঔষধটো লোৱা আৰু ৭ দিন পিছত আহিবা..
৭ দিন পিছত...
চেংমাই- ডক্টৰ চাহাব, মোৰ পেটত গেছটো এতিয়াও আছে আৰু বৰ্তমান খুব গোন্ধায় কিন্তু কোনো শব্দ নাই.....
ডক্টৰ- ঔষধে কাম দিছে মানে ছাইনাচটো ভাল হৈছে, এতিয়া কাণৰ ঔষধ দিছোঁ, ৭ দিন খালে ভাল হৈ যাব.....

By Nilesh barman