বুদ্ধিমান প্ৰেমিক

 'পিংকিয়ে মন্দিৰলৈ গৈ ভগৱানক প্ৰাৰ্থনা কৰিছে: "হে ভগৱান, কোনোবা বুদ্ধিমান ল'ৰা এটাক মোৰ প্ৰেমিক হিচাপে দিয়া।"

ভগৱান: "ঘৰলৈ যোৱাগৈ মাজনী, কাৰণ বুদ্ধিমান ল'ৰাৰ প্ৰেমিকা নাথাকে"

এবটল বীয়েৰ, এডাল সাপ, এডাল কেঁচু...

ডেকাই কোৱা সঁচা কাহিনী। বিশ্বাস কৰিলে কৰিব, নকৰিলে নো মোৰ কি ডাল আহে যায়। ;)

গৰমৰ দিন, দেওবাৰ। কি কৰিব ভাবি ভাবি ডেকাই এহাতত বৰশী আৰু এহাতত এটা ঠাণ্ডা বিয়েৰ লৈ বিলৰ পুখুৰীটোলেই মাছ মাৰিবলৈ ওলাই গ’ল | তালৈ গৈ হে মনত পৰিল যে মাছক দিবলৈ টোপ আনিবলৈ পাহৰিলেই নহয় | ইফালে সিফালে অলপ পায়চাৰি কৰাৰ পিছত দেখিলে সাপ এটাই কেঁচু এডাল মুখত লৈ লাঞ্চ কৰিবলৈ লৈছে | সাপডালৰ নেগুৰত গচকি ডেকাই কেঁচুডাল কাঢ়ি আনিলে | 

কাঢ়ি আনিলে হয়, কিন্তু কিছু পৰৰ পিছতে ডেকা অনুশোচনাৰ অগনিত দগ্ধপ্ৰায় হ’বলৈ ধৰিলে- এটা নিৰীহ প্ৰাণীৰ পৰা তাৰ ভোজন কাঢ়ি অনাটো কোনো পধ্যেই প্ৰকৃত মানৱৰ লক্ষণ নোহে | আত্মগ্লানিৰ অগ্নিত দহি ছাই হৈ যোৱাৰ আগতেই ডেকাই গৈ সাপটোৰ মুখত হাতত থকা বীয়েৰ বটল টোৰ পৰা দুটোপমান ঢালি দিলেগৈ- খা, ইয়াকে খাই তোৰ ভোক নিবাৰণ কৰ- বুলি। 

তত্পশ্চাত্‍ নিশ্চিন্তমনেৰে ডেকাই সুহুৰি বজাই বজাই কেঁচুৰ টোপ লগাই বৰশী বাই আছে। খন্তেক পিছত ভৰিত চেঁচা চেঁচা কিবা অনুভৱ হোৱাত ডেকাই তললৈ লৈ দেখে- সেই সাপডালে মুখত আৰু তিনিডাল কেঁচু আনি তাৰ ভৰিৰ ওচৰত থৈছেহি | 

সাপ:- আৰু যিমান কেঁচু লাগে আনি দিম, কিন্তু আৰু দুই চিপ মাৰিবলৈ দে না.... পিলিজ।

________________________________

Jokes from Facebook, Assamese jokes collection, New Jokes

Couple jokes- Assamese

 

কোনে কিমান ফেঁকিব পাৰে

 এখন ৰেস্তোৰাত... তিনিজন বন্ধুৱে কথা পাতি আছিল্..! তাৰে এজন আমেৰিকান, এজন জাপানিজ আৰু এজন অসমীয়া ...! কথাই কথাই.. তেওলোকৰ মাজত নিজ নিজ দেশৰ টেকনলজিৰ ফুটনি আৰম্ভ হল !

আমেৰিকান : আমাৰ এমেৰিকাত এইবাৰ এখন এৰোপ্লেন বনাইছে যে, একেবাৰে মুনৰ (চন্দ্ৰ) লগে লগে উৰে ! 
জাপানিজ + অসমীয়া : কি ??? ইমান ওপৰেৰে উৰে ?
আমেৰিকান : (অলপ ভয় কৰি) ... নহয় মানে ... অলপ তলেদি উৰে .....
জাপানিজ : আমাৰ জাপানে আকৌ এতিয় এখন ছাবমেৰিন উলিযাইছে.... যিখন.. একেবাৰে সাগৰৰ তলৰ মাটিত লাগি চলিব পাৰে...!
অসমীয়া + আমেৰিকান: কি ??? সচাই নে ?
জাপানিজ : (লাজ পাই) ... নহয়.... মানে ... অলপ ওপৰেদি চলে !
অসমীয়া : (অলপ ভাবি) এইবাৰ আমাৰ দেশত এনেকুৱা মানুহ আমি জন্ম দিছোঁ .... 
যে .... সেই মানুহবোৰে...... নাকেৰে ভাত খায় !
জাপানিজ + আমেৰিকান : কি ??? ( আচৰিত হৈ .... )

অসমীয়া: ( বুকু ফিন্দাই ... ) নাই... মানে... অলপ তলেদি খায় .....! হি হি হি

____________________________________

Assamese Jokes, Google Jokes, Latest jokes

আন্দাৰপেন্ট

 নিগনি : (হাতীক উদ্দেশ্যি)... ঐ তোৰ আন্দাৰপেন্টটো কেইদিনমানৰ কাৰণে দিবিনেকি ?

হাতী : .... হা হা হা হা .... কিয় ? তই পিন্ধিবি নেকি ? 

নিগনি : নহয় অ..... ডাঙৰ ছোৱালীজনীৰ বিয়া পাতিছো.... ! ৰভা দিব লাগে ...!

___________________________

Facebook Jokes, Google Jokes, Assamese Jokes

'ডিপ্ল'মা' নহয় 'মইনা' হে

 আইতাকে হাতত পানী কেচুৱা এটা লৈ গাই আছে

"আমাৰে 'ডিপ্ল'মা' শুবয়ে বাৰিতে বগৰী ৰুব এ
বাৰীৰে বগৰী পকি সৰিলে আমাৰে 'ডিপ্লমা'য়ে বুটলি খাব "

এনেতে ওচৰৰে এজনীয়ে শুনি মাত লগালে

"অৰি'.. ভূলকৈ কিয় গাইছে? 'ডিপ্ল'মা' নহয় 'মইনা' হে কিবা??

আইতাকে ক'লে-

নহয় ছোৱালীক দিল্লীলৈ পঠাইছিলো 'ডিপ্ল'মা' আনিবলৈ। আহোতে এইটো লৈ আহিছে....

by Ractim G

_________________________________________

Google Jokes, Assamese Jokes, Latest Facebook Jokes

ধৰমপত্নী: অসমীয়া কৌতুক

দুটা কাম কৰাটো অতি কঠিন: -

ক/ নিজৰ মতে আনক চলোৱাটো; নিজৰ আইডিয়া, চিন্তা-ধাৰণা আদি আনৰ মগজুত প্ৰোথিত কৰিব পৰাটো|
খ/ আনে কষ্ট কৰি উপাৰ্জন কৰা ধন নিজৰ পকেটলৈ আনিব পৰাটো|

* এক নং কামটো যি কৰিব পাৰে তেওক শিক্ষক বুলি কোৱা হয়|
* দুই নং কামটো যি কৰিব পাৰে তেওক ব্যৱসায়ী বুলি কোৱা হয়|
** দুয়োটা কাম একেলগে কৰিব পৰাগৰাকীক "ধৰমপত্নী" বুলি কোৱা হয়|

by Changmai

দত্ত আৰু সোণৰ ফোন

খৰিকটীয়াৰ কাহিনীটো মনত আছে নে?
নদীৰ পাৰত কুঠাৰেৰে ঘৈয়াই থাকোঁতে যে কুঠাৰখন চিলিপ হৈ কিনে পৰি গৈছিল পানীৰ মাজত? তাৰ পিছত জলদেৱী প্ৰকট হৈ প্ৰথমতে সোণৰ, ৰূপৰ কুঠাৰ দিওঁতেও যে খৰিকটীয়াই মানা কৰি দি নিজৰ কুঠাৰখন হে খুজিছিল? আৰু তাকে দেখি কিনে খুচ হৈ কিনে জলদেৱীয়ে গোটেই তিনিটা কুঠাৰেই তেওঁক দি দিছিল?

দত্তৰো মনত আছে কাহিনীটো...

হ’ল কথাটো এনেকুৱা...
এদিন গোলাঘাটৰ পৰা বাদাম কিনিবলৈ দত্ত গুহেটীলৈ আহিছিল| বাদাম কিনি লোভতে অলপ বেছিকৈ গলিয়াই দিলে চাগে| লাগিল নহয়| মানে ২ নম্বৰটো... |

বিচাৰি বিচাৰি এখন সুলভ শৌচালয় পালেগৈ|
দৌৰ মাৰি ভিতৰত বহি আমেজ লৈ থাকোঁতেই আহিল নহয় কাৰোবাৰ ফোন... ফোনটো ৰিচিভ কৰিবলৈ লওঁতেই চিলিপ হৈ কিনে ফোন চিধা একেবাৰে মেইন জেগাতে পৰিল|

মাত্ৰ ৪ দিনৰ আগতে ১২, ০০০ টকা দি কিনা ফোন... বৰ হেঁপাহত কিনিছিল দত্ত‍ই ফোনটো, অসমীয়া লিখিবও পাৰি ফোনটোৰ, গেম খেলিবও পাৰি, দুখন দিম ভৰাবও পাই, ৱা’টছ এপো আছে, ধেৰ কনটেক্ট নাম্বাৰো আছে...
তাকে ভাবি ভাবি দুখতে দত্তৰ সেইভাগেই চকুপানী ওলাবলৈ ধৰিলে| চকুপানী কি, কান্দোনেই ওলাই আহিল....

দত্তৰ দুখ সহিব নোৱাৰি টয়লেট-দেৱী প্ৰকট হ’ল নহয়... আহি তেওঁ দত্তক ফোন এটা আগবঢ়াই দিলে...
- "হোঁ ল’, নাকান্দিবি অ’ আপা"
ফোনটোলৈ চাই দত্ত‍ই ক’লে-  "মোক সোণৰ ফোন নালাগে দেৱী, মোক মোৰ আচল ফোনটোকেই উভোতাই দিয়ক না পিলিজ"

দেৱীয়ে ভেকাহি মাৰি ক’লে- "ধুৰ, এইটো তোৰেই ফোন হয়| সোণৰ নহয়| ভালকৈ ধুই ল’লে দেখিবি, সোণালী ৰংটো আঁতৰি গৈছে|"

দত্ত- "হি হি হি, থেংকিউ দেই"

By Changmai

Assamese joke

এদিন চেংমাইৰ পেটত খুব যন্ত্ৰনা হোৱাত ডক্টৰৰ ওচৰলৈ গ’ল...
চেংমাই – ছাৰ, মোৰ পেটত খুব গেছ হৈছে, কিন্তু কোনো গোন্ধ নাই আৰু শব্দও নাই...
ডক্টৰ- এই ঔষধটো লোৱা আৰু ৭ দিন পিছত আহিবা..
৭ দিন পিছত...
চেংমাই- ডক্টৰ চাহাব, মোৰ পেটত গেছটো এতিয়াও আছে আৰু বৰ্তমান খুব গোন্ধায় কিন্তু কোনো শব্দ নাই.....
ডক্টৰ- ঔষধে কাম দিছে মানে ছাইনাচটো ভাল হৈছে, এতিয়া কাণৰ ঔষধ দিছোঁ, ৭ দিন খালে ভাল হৈ যাব.....

By Nilesh barman

Mastor Eestudent

ৰিয়ান ৰাগিণীয়ে ইচকুলত বিজ্ঞান বুজাই আছে । 

-" ল'-ছোৱালীহঁত কছোন,
এই যে ছবিখনত দেখিছ ঠেংটো কি চৰাইৰ বাউ ?"

লাষ্ট বেঞ্চৰ ছাত্ৰঃ ধুই,  ঠেং চাই চৰাইৰ নাম কব পাৰি নেকি ব্যে ?

ৰিয়ানঃ হ'পলেছ কথা ক'বলে আহিছ । তোৰ নাম কি ?

ছাত্ৰঃ মোৰ ঠেং দুটা চাই লওঁক ... তাৰ পিছত নিজেই গম পাই যাব

by Chandan J Bhuyan

Always Proud to be an Assamese. 

এটা স্বপ্নৰ কথোপকথন : অসমীয়া কৌতুক

(পটভূমি - ৰাতি ১১ বাজি ৫৫ মিনিটমান হৈছে ৷ স্বামী চুচৰি বাগৰি কোনো মতে বাৰান্ডাত উঠিছে ৷ পত্নীয়ে ককালত হাত দি থিয় হৈ আছে ৷)

পত্নি - ইমান ৰাতিখন ক’ত কি কৰি আছিলা ?
স্বামী - এহ্ আছিলো আৰু ৷
পত্নি - সেইটো ময়ো গম পাইছো আছিলা বুলি ৷ কিন্তু কৰি কি আছিলা ?
স্বামী - ডাবা খেলি আছিলো ৷
পত্নি - ডাবা যদি খেলি আছিলা তেনেহ’লে গাটো কিয় মদ মদ গোন্ধাইছে ?
স্বামী - আৰে তেনেহ’লে কি ডাবা ডাবা গোন্ধাব নেকি ?

by Pratibhu Dutta

Assamese Joke: গুলীবাজ

কি কিখন যে হৈ থাকে 

সেইযে ৰুণজুন নামৰ ছোৱালীজনী, স্কুলত যে চাকৰি কৰে, বিৰাট ধুনীয়া ........
তাইক লৈ মালি আৰু অপুৰ মাজত বিৰাট কাজিয়া ৷

শেষত দত্তকায়ে উপায় দিলে ৷
‘‘এটা কাম কৰ ৷ হোঁ ল এই দুটা পিষ্টল ৷ দুইটাই গুলী মাৰিবি ৷ যি বাচি থাকিব তাৰে লগত বিয়া ৷ ইটো আতৰি দিব লাগিব ৷’’

অপুৱে লগে লগে মানি ল’লে ৷ 
মালিয়ে মানি লোৱা নাই ৷
তাৰ যুক্তি, ‘‘মই অপুতকৈ শকত ৷ মোৰ গাত গুলি লগাৰ সম্ভাৱনা বেছি ৷’’

দত্তকাইৰ জানো কম বুদ্ধি !
পকেটৰ পৰা বগা ছকমাটি উলিয়াই মালিৰ শৰীৰত দীঘলকৈ দাগ এটা মাৰি ক’লে, ‘‘সোফালে গুলি লাগিলে আউট চাইড বুলি ধৰিম ৷ অ.কে ষ্টাৰ্ট কৰ্ ৷’’

 by Pratibhu Dutta

অসমীয়া কৌতুক: সমস্যা

সমস্যা#

অতিপাত হেণ্ডচাম হোৱাটো‍ও এটা দুৰ্ঘোৰ অপৰাধ|
সঁচা কথা কৈছোঁ|
বেছি হেণ্ডচাম হ’লে নিজৰ মুখখনকেই থেতেলিয়াই অলপ বেঁকা কৰি ল’ব লাগে| নহ’লে ধেৰ সমস্যা| এই ধৰকচোন: -

১/ বাকী মতাবোৰে হিংসা কৰে, ভাবে- "এইটো ইমান হেণ্ডচাম, আৰু মোৰ পেটডালেই ইমান ডাঙৰ যে গাড়ী চলাওঁতেই উশাহ বন্ধ হৈ যায়"

২/ ছোৱালীবোৰে ফেচবুকত বা বাস্তৱ জীৱনত দেখি ভাবে- "এই ল’ৰাটো ইমান তুষাৰ/ অতিপাত/ ভীষণ হেণ্ডচাম, নিশ্চয়েই ইয়াৰ ১০-১৫ জনীমান গাৰ্লফ্ৰেণ্ড থাকিব‍ই| সেইকাৰণে ম‍ই চেষ্টা নকৰাই ভাল|"

এই সমস্যাটোৰ কাৰণেইতো পেটুৱা পেটুৱা মানুহৰ বিয়া হৈ গৈছে আৰু আমি হেণ্ডচামসোপা যেনে নয়ন. মনাই, শেখৰ. জ্ঞান, চেংমাই, মেৰীলিন, অপু, দীপাংকৰ, শশাংক, ভাচকৰ, কৌ-চিক, কল্লোল, গিতু আৰু কেইবাটাও অবাইচ সুপুৰুষ এতিয়ালৈকে বৰলা হৈ আছোঁ!

by Changmai

ভগৱানৰ নাম

খোৱা বোৱাৰ আগতে আপোনাৰ ঘৰত ভগৱানৰ নাম লয় নে.
.
.
.
.
.
.
.
.
.
.
.
.
.
.
.
.লঁও লঁও
হে ভগৱান আজিও একে সোপাকে খাব লাগিব ৷

by Bhaskor Barukial

নকল কৌতুক, আচল কৌতুক

ভবা নাছিলোঁ এনেকুৱাও কেতিয়াবা হ’বগৈ বুলি| কিন্তু হৈ গ’ল|

গাজাৰী ডট কম [http://www.facebook.com/groups/gajaridotcom/] ৰ ফেক্টৰীত উত্পাদিত হোৱা মৌলিক গাজাবোৰ (বাকী অনুদিত/সম্পাদিত খিনিৰ কথা বাদেই দিয়ক) দাৰি ক’মা পৰ্যন্ত নকল কৰি কেইবাটাও ফেচবুকৰ গোটত ৰাইজে দিনৌ পোষ্ট কৰা দেখিবলৈ পোৱা যায়| এৰা, নভবা কামো হৈ যায়, আমাৰ অনুষ্ঠানটি ইমান হিট হৈ যাব বুলি কেতিয়াও ভবা নাছিলোঁ|

FEELS AWESOME!  to be the TOP Assamese Jokes Blog & Collection on the Internet. Thank you Every one. 

অসমীয়া কৌতুক: কামকৰা বাই

ঘৰৰ মালিকনীক মন মাৰি থকা দেখি ঘৰৰ কামকৰা বাইজনীয়ে সুধিলে -

বাই :- বাইদেউ, আপুনি আজি কিয় ইমান মনমাৰি আছে ?

মালিকনী :- কি কবি, মই আজিহে গ'ম পালো, তোৰ মালিকৰ অ'ফিচৰ কোনোবা ছোৱালীৰ

লগত লিলিমাই আছে । মই আৰু জীয়াই থকাৰ একো লাভ নাই বুজিলি ......।

বাই :- কি..ই..ই, এইটো কেতিয়াও হ'ব নোৱাৰে । মালিক কেতিয়াও ইমান নিষ্ঠুৰ হ'ব নোৱাৰে ।

মালিকে মোক কেতিয়াও ধৌকা দিব নোৱাৰে .......। (শেষ )

-- পালে গ'ম?
 যদি গাজাৰীত কোনোবা কামকৰা বাই আছে তেনেহ'লে সাৱধান ---


********** আপোনাৰ আজিৰ দিনতো বিন্দাছ হওঁক ***********

by Kandarpa Borthakur

* গৃহিনী আৰু পণ্ডিত *

গৃহিনী :- ঘৰখনৰ সুখ শান্তিৰ বাবে মই আৰু কি কৰিব লাগিব ।
.
.
.
.
.
.
পণ্ডিত :- এটা ব্রত ৰাখিব লাগিব ।
.
.
.
.
.
.
গৃহিনী :- কি ব্রত ।
.
.
.
.
.
.
.
.
.
.
.
পণ্ডিত :- " মৌন ব্রত " ।

By Kandarpa Borthakur

সঁচা ক’লে থুলুক বেয়া...

 এবাৰ চাকৰিসূত্ৰে থুলুক গৈ খ্ৰীষ্টীয়ান ক’লনি এখনত থাকিব লগা হ’ল|

চব ঠিকেই চলি আছিল, পিছে এবাৰ কিবা এটা উত্সৱৰ সময়ত খ্ৰীষ্টীয়ান সকলে এমাহৰ কাৰণে মাছ-মঙহ খোৱাৰ পৰা বিৰত থাকিব লগীয়া হ’ল| 

কিন্তু থুলুকে পুৱা-গধূলি মলমলাই যোৱাকৈ চিকেন ফ্ৰাই, চিকেন মাখনী, চিকেন জ্বলা য়াম য়াম কাৰী ইত্যাদি ৰান্ধি উপভোগ কৰি থাকিল| চিকেনৰ ঘ্ৰাণ নিতৌ নাসিকাৰে গ্ৰহণ কৰি খ্ৰীষ্টীয়ান লোকসকলৰ জিভাৰ পানী পৰিবলৈ ধৰিলে; কিন্তু বেচেৰাহঁতে কৰিব নো কি? নিয়ম যে নিয়মেই- এমাহলৈ লোভ সম্বৰণ কৰিব‍ই লাগিব| আৰু সিফালে থুলুকে তো নিৰৱচ্ছিন্ন ভাৱে কুকুৰা মঙহৰ সোৱাদ লৈ পৰমানন্দৰ সতে উগাৰ মাৰি ফুৰিছে|

কথাটো সাত পাঁচ গুণি খ্ৰীষ্টীয়ান কেইটাই গৈ গীৰ্জাৰ পাদ্ৰীৰ ওচৰত গোচৰ তৰিলেগৈ| 

পাদ্ৰীয়েও গমি পিতি চাই থুলুকক মতোৱাই আনি তাক দিহা দিলে: - যিহেতু তুমি আমাৰ সতেই বাস কৰা, তুমি আমাৰ ধৰ্মলৈ গুচি নাহা নো কিয়?

থুলুকেও বতৰ চাই কঠীয়া পৰাৰ দৰে “হ’ব” বুলি কৈ দিলে|

থুলুকক ধৰ্মান্তৰ কৰা হ’ল| 

পাদ্ৰীয়ে মন্ত্ৰ মাতিলে, “তুমি হিন্দু হৈ জন্ম লৈছিলা, কিন্তু তুমি আজিৰ পৰা খ্ৰীষ্টীয়ান হ’লা” এই বুলি কৈ থুলুকৰ ওপৰত পবিত্ৰ জল ছটিওৱা হ’ল| 

চবৰে মনত শান্তি; আজিৰ পৰা আৰু চিকেন টিকেন বন্ধ|

কিন্তু সেই ৰাতিও থুলকৰ ঘৰৰ পৰা মলমলীয়া সুঘ্ৰাণ বতাহৰ বিয়পিবলৈ ধৰিলে| 

মানুহবোৰ খঙত দল বান্ধি থুলুকৰ ঘৰলৈ ঢাপলি মেলিলে|
দুৱাৰ খোলা আছিল|

দেখা গ’ল… থুলুকে চিকেন ড্ৰাই ফ্ৰাই ডাইনিং টেবুলত লৈ খাবলৈ বহিছে, আৰু পবিত্ৰ জল (হোলী ৱাটাৰ) ছটিয়াই ছটিয়াই চিকেনখিনিক কৈছে: - “তুমি মুৰ্গী হৈ জন্ম লৈছিলা, কিন্তু আজিৰ পৰা তুমি আলু হ’লা” 

by Changmai