মেগা ছিৰিয়েলৰ মেগা কাহিনী [Assamese Jokes]

এখন মেগা ছিৰিয়েল
(আজিকালি মই মাজে মাজে টি.ভি. চাবলৈ সময় পাইছো ৷ মেগা ছিৰিয়েল এখন চোৱাৰ পাছত মনলৈ অহা কথা কিছু আৰু ইন্টাৰনেটত পোৱা আন এক লেখাৰ সহায় লৈ )
(মেগা ছিৰিয়েল মূল গল্প
মালি আৰু মালিৰ পৰিবাৰ মালা ৷ এদিন মালাৰ মন গ’ল বাহঁগাজৰ সৈতে গাহৰি খাবলৈ ৷ মালি পালে গৈ গনেশগুৰি বজাৰ ৷ গোটাই আনিলে গাহৰি আৰু গাজ ৷)

পর্ব ১ : মালি আৰু মালাৰ দেখা দেখি ৷ পানবজাৰত ৷
পর্ব ২ : মালি আৰু মালা প্রেমত পৰিল।
পর্ব ৩ : মালাৰ প্ৰাক্তন প্ৰেমিকে কথাটো জানিব পাৰিলে ।
পর্ব ৪ : প্ৰাক্তন প্ৰেমিকে মনে মনে প্লেন তৈয়াৰ কৰিলে।
পর্ব ৫ : মালি আৰু মালাৰ মাজত ভুল বুজা-বুজি হ’ল।

পর্ব ৫১ : মালি আৰু মালাৰ বিয়া ৷
পর্ব ৫২ : মালিহঁতৰ প্ৰতিবেশীৰ ঘৰত এদিন বাহঁগাজৰ সৈতে গাহৰি আঞ্জা ৰান্ধিলে ৷
পর্ব ৫৩ : সেই কথা জানিব পাৰিলে মালাই ৷
পর্ব ৫৪ : মালাই মালিক বাহঁগাজৰ আৰু গাহৰি কিনি আনিবলৈ অনুৰোধ কৰিলে।
পর্ব ৫৫ : মালিয়ে জনালে যে তেওঁ গাহৰি কিনিব নোৱাৰিব ৷ কাৰণ গাহৰিৰ দাম অনেক ৷

পর্ব ১৫১ : গাহৰি কিনিব নোৱাৰৰ বাবে মালি আৰু মালাৰ বিবাহ বিচ্ছেদ হ’ল ৷
পর্ব ১৫২ : দুয়োৰে মাজাত এতিয়া অহি-নকুলৰ সম্পর্ক।
পর্ব ১৫৩ : মালি আৰু মালা এতিয়া বেলেগে বেলেগ থাকে ৷

পর্ব ২০১ : মালা আন এজন যুৱকৰ প্ৰেমত পৰিল ৷
পর্ব ২০২ : মালি আন এগৰাকী যুৱতীৰ প্ৰেমত পৰিল ৷
পর্ব ২০৩ : মালি মালাৰ প্ৰেম পৃথক পৃথককৈ চলি থাকিল ৷

পর্ব ৫০১ : মালা দ্বিতীয়বাৰৰ বাবে বিয়াত বহিল ৷
পর্ব ৫০২ : মালি দ্বিতীয়বাৰৰ বাবে বিয়াত বহিল ৷
পর্ব ৫০৩ : দুই নিজৰ নিজৰ সংসাৰত ব্যস্ত হ’ল ৷

পর্ব ১০০১ : মালি বজাৰ কৰিবলৈ গনেশগুৰি বজাৰ পালে গৈ।
পর্ব ১০০২ : মালা বজাৰ কৰিবলৈ গনেশগুৰি বজাৰ পালে গৈ।
পর্ব ১০০৩ : মালি মালাৰ দেখা দেখি হ’ল ৷
পর্ব ১০০৪ : বাহঁগাজ আৰু গাহৰিৰ জটিলতাৰ ফ্লছেবেক ।

পর্ব ১২০১ : মালিয়ে মালাক সুধিলে, ‘‘মই তোমাক বাহঁগাজ আৰু গাহৰি কিনি দিওঁ নেকি’’?
পর্ব ১২০২ : মালাৰ চকুত চকুপানী ৷
পর্ব ১২০৩ : মালাই সুধিলে ‘‘সঁচাকৈ কিনি দিবা ?’’

পর্ব ১৩০১ : মালিৰ চকুত চকুপানী ৷
পর্ব ১৩০২ : মালিয়ে থোকাথুকি মাতেৰে জনালে, ‘‘অ কিনি দিম ৷’’
পর্ব ১৩০৩ : মালি মালা দুয়োৰে চকুত চকুপানী ৷

পর্ব ১৫০১ : বাহঁগাজ আৰু গাহৰি কিনিবলৈ দুয়ো আগবাঢ়িল ৷
পর্ব ১৫০২ : হঠাৎ এখন গাড়িয়ে চেপি দিলে মালিক ৷
পর্ব ১৫০৩ : আআআআআআ কৰি চিৎকাৰ কৰি উঠিল মালা ৷
পর্ব ১৫০৪ : হস্পিতললৈ লৈ যোৱা হ’ল মালিক ৷

পর্ব ৮৬৬১ : (এই পৰ্বত কি হ’ল মই ভালকৈ বুজি নাপালো ৷ আজিকালি মই চকুৰে ভালকৈ নেদেখো, কানেৰেও কম শুনো )...........................

by Pratibhu Dutta

পাৰ্টী এট দেবুদাৰ হাউছ

দেবুদাৰ ঘৰত অলপ মিহিকে পাৰ্টী চলি আছে- ভূ দা, চেংমাই, কলিতা, দত্ত, নষ্ট, জ্যোতি চব বহি আছে/ দুঘন্টামান হ'ল/ নিশা 11 বাজে আৰু/ জমি আছে/ তেনেতে দেবুদাৰ ছোৱালীজনীয়ে আহি কাণে কাণে দেবুদাক কিবা ফুচফুচাই ক'লেহি...

একোকে বুজিব নোৱাৰি দেবুদাই ক'লে: মাজনী, যি ক'ব আছে, স্পষ্টকৈ জোৰেৰে ক'ব লাগে/ এনেকৈ ফুচফুচাই ক'লে কি বুজি পাম?

ছোৱালীজনীয়ে এইবাৰ জোৰে জোৰে ক'বলৈ ধৰিলে: পাপা, পাপা, মায়ে তোমাৰ আটাইকেইটা বন্ধুকে ঘৰলোই খেদাই দিবলৈ কৈছে/ কৈছে যে কাম নাইকিয়াৰ নিচিনাকৈ আনৰ ঘৰত মাজনিশালৈকে বহি থাকে/ খুন্দনাত খুন্দিব লাগে ইহতক/

দেবুদা: হি হি

by Changmai

**Assam আৰু Assamese মানুহৰ বিষয়ে জানিবলৈ এই ব্ল'গটি অনুসৰণ কৰক: ৰূপহী অসম

বাদাম খালে বাঢ়ে ব্ৰেইন

কলিতাই গনেশগুৰিত বাদাম বেচি আছিল ...

চেংমাই : এইবোৰ খালে কি হয়??
কলিতা : মগজ হয় ..
চেংমাই : কেনেকৈ ??
কলিতা : ক'ওকচোন, ১ কেজি চাউলত কিমানটা চাউলৰ দানা থাকে ?? 
চেংমাই : নাজানো নহয়...

কলিতাই বাদাম এটা খাবলৈ দি সুধিলে এতিয়া ক'ওকচোন, এক ডজনত কেইটা কল থাকে ?
চেংমাই : বাৰটা 
কলিতা : হে হে হে, য়, আপোনাৰ মগজ বাঢ়িল নে ? 
চেংমাই : ওকে, ওৱাও, আইলা... এক পোৱা বাদাম দিয়ক ... বান্ধি নিদিব, ইয়াতে খাম, আৰু আমাৰ দীপা বেঙীৰ কাৰণেও দুই কিলো বান্ধি দিবচোন... হি হি হি

By Dipa Moni

চেংমাই আৰু iPhone

এদিন চেংমাই গ’ল নতুন ফোন কিনিবলৈ। iphone নে কি সেইটো বোলে খুব চলিছে। তাকেই কিনিম বুলি আগবাঢ়িল দীপাৰ দোকানলৈ।

চেংমাই: iphone ৰ একেবাৰে লেটেষ্ট মোডেল টো কি? দিয়ক চোন।
দীপা: iphone5। ষ্টক আছে। দি দিম নেকি আপোনাক?
চেংমাই: অ’ কে। দি দিয়ক।
iphone5 লৈ চেং খুশ। ৰাতি iphone5 টো খুচুৰি থাকোতে দেখিলে তাত একামোৰ খোৱা আপেল এটাৰ চিহ্ন আছে। চেংমাইয়ে ভাবিলে, আপেলটোত কোনে মাৰিলে একামোৰ! চেংমাইয়ে ভাবিলে, আৰু ভবিলে, খুব ভবিলে – পিছে উৱাদিহ নাপালে। ৰাতি ভাল টোপনি ও নহ’ল।

পিছ্দিনা চেংমাই আকৌ গ’ল দীপাৰ দোকানলৈ।
চেংমাই: iphone5 ৰ আগৰ মোডেলটো কি?
দীপা: iphone4S
চেংমাই: মোক সেইটো লাগে। একচেঞ্জ কৰিব পাৰিম নেকি বাউ?
দীপা: অ’ পাৰিব, পিছে iphone5 তকৈ iphone4S ৰ দাম কম হ’লেও টকা ঘুৰাই নাপাব|
চেংমাই: অ’ কে। দি দিয়ক।
iphone4S লৈ চেং খুশ। ৰাতি iphone4S টো খুচুৰি খুচুৰি বিচাৰিলে একামোৰ মৰা জন কৰবাত দেখা পায় নেকি। চেংমাইয়ে বিচাৰিলে, আৰু বিচাৰিলে, খুব বিচাৰিলে - নাই, হতাশ হ’ল। সেইদিনা ৰাতিও ভাল টোপনি নহ’ল চেংমাইৰ।
পিছ্দিনা চেংমাই আকৌ গ’ল দীপাৰ দোকানলৈ।
চেংমাই: iphone4S ৰ আগৰ মোডেলটো কি?
দীপা: iphone4
চেংমাই: মোক সেইটো লাগে। একচেঞ্জ কৰিব পাৰিম নেকি বাউ?
দীপা: (অলপ খুশ হৈ) অ’ পাৰিব, পিছে iphone4S তকৈ iphone4 ৰ দাম কম হ’লেও টকা ঘুৰাই নাপাব।
চেংমাই: অ’ কে। দি দিয়ক।
iphone4 লৈ চেং খুশ। ৰাতি iphone4 টোত ও খুচুৰি খুচুৰি বিচাৰিলে আপেলত একামোৰ মৰা জন কৰবাত দেখা পায় নেকি। পিছে সেইদিনা ৰাতিও ভাল টোপনি নহ’ল চেংমাইৰ। পিছ্দিনা চেংমাই আকৌ গ’ল দীপাৰ দোকানলৈ।
চেংমাই: iphone ৰ অটাইতকৈ পুৰণি মোডেলটো কি?
দীপা: (মনে মনে হাঁহি - আহিল মক্কেলটো) এনেয়ে iphone 2G ৰ পৰা আৰম্ভ হৈছিল, পিছে আমাৰ দোকানত 3GS ৰ তলৰ মোডেল নাই।
চেংমাই: মোক সেইটো লাগে। একচেঞ্জ কৰিব পাৰিম নেকি বাউ?
দীপা: (ক’ৰ পাগল অ’ এইটো) অ’ পাৰিব পাৰিব, পিছে iphone4 তকৈ iphone3GS ৰ দাম কম হ’লেও টকা ঘুৰাই নাপাব।
চেংমাই: অ’ কে। দি দিয়ক।
iphone3GS লৈ চেং ঘৰ পালে। গৈয়েই iphone3GS টো খুচুৰিব ল’লে। যিমান পাৰে বিচাৰিলে, বিচাৰি বিচাৰি নাপালে আপেলত একামোৰ মৰা জন কোন আছিল। লগে লগে দৌৰ দিলে দীপাৰ দোকান লৈ।
চেংমাই: মোক iphone ৰ অটাইতকৈ পুৰণি মোডেলটো লাগে?
দীপা: ইয়াত নাপাব নহয়।
চেংমাই: আপুনি মোক যোৱা 3 দিন ধৰি ঠগি অছে। সদায় একোটা পুৰণি মোডেল লৈ যাও আপেলত একামোৰ মৰা জনক চাবলৈ, আৰু এতিয়া আপুনি কৈছে অটাইতকৈ পুৰণি মোডেলটো নাপায়, যিটোত মই দেখা পালোহেতেন সেইজনক যাৰ কাৰণে 3 ৰাতি মোৰ টোপনি নাই। মোক লাগিবই।
দীপা: (অ’ হয় নে !!!)
By Manashmani Barman

ফটোগ্ৰফী

সন্ধিয়াৰ সময়| এজন মদাহী ৰাস্তাৰে গৈ আছিল । হঠাৎ পিছলি বোকাত পৰিল।
.
.
.
.
.
.
.
.
সেই সময়তে চাঁটকৈ বিজুলী চমকিল, মদাহী জনে কলে- "হে ভগৱান প্রথমে বোকাত পেলাই দিলা আৰু এতিয়া ফটোও তুলিলা।"

By Nikunja Sarma

দেবুদাই গালি পাৰিব...

দত্ত‍ই ৰাস্তাত পৰি থকা বস্তাকেইটা আঁতৰাবলৈ চেষ্টা কৰি আছে| ওচৰতে এখন ঠেলাগাড়ী|
আহক নহয় সেইফালে চেংমাই আৰু কলিতা এখন ৩০০ চিচি বাইকত...

চেংমাই: দত্ত, ব’ল বাইকত বহ, এপাক ফুৰি আহোঁ সন্দিকৈৰ পৰা| 
কলিতা: য়ো, ব’ল... ব’ল
দত্ত: নাযাওঁ, দেবুদাই গালি পাৰিব...

কলিতা: হেই ব’ল, আহি বস্তাকেইটা ঠেলাত তুলিবি
চেংমাই: আমিও হেল্প কৰি দিম তেতিয়া...
দত্ত: নাযাওঁ, দেবুদাই গালি পাৰিব...

কলিতা: গম নাপায় তো দেবু দাই, যে ত‍ই আমাৰ্ লগত আছ!
চেংমাই: অঁ তোন... ব’ল ব’ল ভাই... ৫ মিনিটত আহি যাবি
দত্ত: নাযাওঁ, দেবুদাই গালি পাৰিব...

কলিতা+ চেংমাই: দেবুদা আছে নো ক’ত?

দত্ত: বস্তাকেইটাৰ তলত............................................ (হি হি হি)

By Changmai

Why No Homework?

চুচমিতা আৰু তুলিকা একেলগতে স্কুললৈ গৈছিল তো| তেতিয়া ১৯৯৪ মানৰ কথা (কোন ক্লাছত পঢ়ে কৈ নিদিওঁ, নহ’লে হিচাপ ওলাই যাব তো  ) | দুইজনী ছোৱালী বিৰাটেই বদমাছ- মাৰ্বল খেলে, টাংগুটি খেলে, চানা কিনি খায়, ৰাতি নপঢ়ি লুকুৱাই থোৱা বগৰী চোবাই চোবাই মৌচাক পঢ়ে| 

গৰম বন্ধত দীপা বাইদ’ৱে এচাইনমেন্ট এখন কৰিবলৈ দিছিল| ক্লাছত চবেই কৰি আনিলে দুজনী ছোৱালীৰ বাহিৰে| কোন সেই দুজনী ক’ব লাগিব নি বাউ?

দীপা বাইদ’: - হুৱাই নৌ হোমৱৰ্ক?
তুলিকা: - আই ডিড| বাট... আৱাৰ ড’গ ই’ট ইট! 
দীপা: - অ’ বেড ড’গ...
তুলিকা: - ইয়েছ মেডাম

দীপা: - হুৱাই নৌ হোমৱৰ্ক চুচমিতা?
চুচমিতা: - আই ডিদ| বাট ... আই এট ইট
দীপা: - হুৱাট? হুৱাই ইউ ই’ট ইট?
চুচমিতা: - বিকৌজ উই ডু নট হেভ ড’গ না মেডাম! (হি হি)

By Changmai